KurdDOZ | Geryanek ji nûçeyan

Ji El Jezîra îstîfa nekir, mala wê hat şewitandin

KDoz — Wed, 25 May 2011 14:26:57 GMT

Piştî ku Rola Îbrahîm, sipîkera "El Jezîra" ji televizyona "El Jezîra" îstîfa nekir, hevalên rejîma Esed xaniyê wê şewitandin. Di serî de mala wê hat dorpêçkirin, jibo xwediyê wê xwe ji wê bêrî bikin. Paşê piştî ku wan ev tişt nekir, xaniyê wê hate şewitandin.

Rola Îbrahîm berê di televizyona dewleta Sûriyê de, paşê jî di gelek telvizyonên din de kar dikir. Li ser Rola hemlayek medyayî tê meşandin, jibo jêstandina welatiya sûriyê ji wê.

HRW hikumeta herêma Kurdistanê rexne kir

KDoz — Tue, 24 May 2011 18:50:31 GMT

HRW, rêxistina mafên mirovan, ji rayedarên başûrê Kurdistanê xwest ku dev ji tirsandina rojnamevanan berde. HRW, girtina kovara Livîn weke mînak girt û balkişand ser, ku rojnamevanê televizoyna KNN li Silêmaniyê rastî heqaretê hatiye.

HRW got ku, di dema li rojhilata navîn gel xwe azad dike, li herêma Kurdistanê a federal rojnamevan tên tirsandin û karê wan tên asteng kirin

Nameyên evînî ên Elîzabeth Taylor li mezadê bûn

KDoz — Mon, 23 May 2011 20:23:06 GMT

Hin nameyên evînî, ên stêra navdar Elîzabeth Taylor, di mezadekê de bi 47 hezar dollar hatin firotin. Di mezada vekirî de 66 nameyên, ku Taylor di sala 1949 de, bi 17 saliya xwe nîvisî bû hatin pêşkêş kirin.

Elîzabeth Taylor di adara 2011 bi temenê xweyî 79 çû dilovaniya xwedê. Di jiyana xwe de 8 caran zewicî û 2 Oskar jî bi dest xistin.

Medya Sûriyê êrîşî dengbêj Esala Nasrî dike

KDoz — Sat, 21 May 2011 19:14:54 GMT

Êrîşên li ser dengbêja Sûrî Esala Nasrî ji gelek aliyê dewleta Sûriyê zêde dibin. Hin medyayên nêzî dewletê, gotin ku Nasrî welatê xwe firtotî. Birayê Esala Nasrî jî got ku wî xwe ji xweşka xwe bêrî kiriye.

Ev tişt tev tên serê wê jiber Esala îlan kiribû, ku ew bi şoreşa Sûriyê re ye. Esala Nasrî got: Ezê çawa nebhîzim û nebînim bûyerên ku tê serê xwediyê min. Esala ji xwepêşandêran re got: Pêşaroj ya we ye.

Di Google Maps de nexşeya xwepêşandanên îniya azadiyê

KDoz — Sat, 21 May 2011 18:57:28 GMT

Di Google Maps de nexşeya xwepêşandanên îniya azadiyê li Sûriyê û rojavayê Kurdistanê, nexşe dikare di bin vê girêdanê de bê nîşandan: Google Maps

Li Silêmaniyê xwekuştina jinan

KDoz — Sat, 21 May 2011 18:03:45 GMT

Di navbera 20 rojên dawîde, li bajarê herêma Kurdistanê, Silêmaniyê, 12 jinan ji ber sedemên civakî, hewla xwekuştinê kirine. PUKMedîa ji jêdereke polîsê nexweşxaneya Silêmaniyê ragihand ku: "Ji 1-20 gulanê Silêmaniyê 12 jinan hewl daye ku bi derman-vexwarinê xwe bikujin." Jêderê got, ku temena wan jinan di navbera 12-20 salan bûye.

Şivan Perwer: Tirkiya jî dibe wek Lîbiya

KDoz — Fri, 20 May 2011 19:44:31 GMT

Hunermendê Kurd Şivan Perwer, di hevpeyvîneke li gel rojnameyek Tirk de got, ku wê Tirkiyê jî bibe wek Tûnis û Lîbiya, heger xwe neguhere.

Hunermend Şivan got, ku heger Tirkiye mafên Kurda ê neteweyî nas neke, ewê jî bibe weke Lîbiya. Şivan got, divê rastî bên qebûl kirin, serdema yekdengiyê êdî bi dawî bûye.

Di derbarê şoreşa gel a Sûriyê de jî Hunermend Şivan Perwer diyar kir ku pêwîst e hemû Kurdên başûr-rojava piştgirî bidin hev û bibin yek û di vê mijarê de yekîtiya di Herêma Kurdistanê de dikare bo wan bibe nimûneyek.

Bi hezaran ji bo nimêja Îna Sivîl ref girêdan

KDoz — Fri, 20 May 2011 14:21:00 GMT

Di serî de Amed, Wan, Colemêrg, Êlih û Mêrsîn, li gelek, bajarok, navçey û bajarên heremê bi hezaran kes ji bo "Nimêja Înê ya Sivîl" hatin cem hev. Di nimêja li Sêrtê de Mele Muhemmed der barê axaftina duh a Erdogan ya wekî "Ev zerdeşt di hebînin" de wiha got: "Kurda berê zerdeşt di hebandin. Lê beriya di 1071'an de dema ku tirk tên Anatolyayê kurdan îslamiyet qebûl kiribû."

Jiyana Hunermend Ahmed Kaya dibe "Sirgûnê Welatê Baranê"

KDoz — Thu, 19 May 2011 20:28:53 GMT

"Sirgûnê Welatê Baranê" belgefilmeke li ser jiyana Hunermendê Kurd Ahmed Kaya ye. Ev belgefilm li ser jiyana Kaya a li derveyî welate, ku niha li Almanya tê nîşandan.

Derhêner Xeyrî Argav "sirgûnê welatê baranê" li başûrê Kurdistanê, Tirkiye û gelek welatê Ewrûpayê kişandiye.

Argav dibeje;" Ev belgefîlm gelek zehmet bû. Em li ser jiyana hunermend a 20 salî rawestiyan. Me ji gelek arşîvan dîmen û axaftin derxistin. Armanca me ew bû bi nêrînek zelal jiyana hunermed bînin ser perdeya spî.”

"Îniya Azadiyê" li bajarê rojavayê Kurdistanê

KDoz — Thu, 19 May 2011 20:07:19 GMT

Ji zarakên Kurd bo NY banga: Em zimanê xwe dixwazin

KDoz — Thu, 19 May 2011 18:26:32 GMT

Zarokên Kurd ên li Swîsreyê di çarçoveya çalakiyên Roja Zimanê Kurdî de, li ber avahiya Neteweyên Yekbûyî (NY) ya li Cenevreyê çalakiyek li dar xistin. Piştî çalakiyê zarokên Kurd dosyayek ji daxwazên perwerdeya bi zimanê zikmakî, serbestberdana zarokên girtî pêşkêşî NY kirin û ji NY xwestin ku bi awayek ciddîtir nêzî pirsgirêkên Kurd bibin.

Di çarçoveya çalakiyên ji bo Cejna Zimanê Kurd li ber avahiya NY a li bajarê Cenevreya Swîsreyê çalakiyek hat lidarxistin. Zarokên Kurd ên li ku li ber avahiya NY çalakî pêk anîn pankartên li ser "Dibistana Kurdî”, "Perwerdeya bi Kurdî dixwazim” "Zimanê me Rûmeta me ye”, " Bes e ji bo kuştina zarokan li Kurdistanê” nivîsandî û alên KCK û posterên Rêberê Gelê Kurd Abdullah Ocalan hilgirtin. Berdevkê YEK-MAL’ê Hesen Huseyîn Deniz daxuyanî xwend. Deniz bal kişand ser bûyerên di van demên dawiyê de li bajarên Kurdan diqewimin û bal kişand ku di êrişan de polîs zarok dikin hedef û zarokan dikujin. Deniz bi bîr xist ku gelek zarokên Kurd di girtîgehan de ne û xwest serbest bên berdan. Deniz xwest ku astentiyên li pêşiya Zimanê Kurdî bên rakirin, her wiha zimanê Kurdî di çarçoveya zagonan de bê mîsogerkirin, divê NY divî warî de pêngavên ciddî biavêje.

Her wiha daxuyaniyên ku bi Fransî û Elmanî hatibûn nivîsandin ku heman daxwaz têde hebûn ji aliyê zarokên Kurd ve hatin xwendin. Berdevkê YEK-MAL’ê Deniz, Alîkarê Serokê Navenda Mafê Mirovan a Kurd a li Swîsreyê Ali Gurgoz û komek zarok dosyaya ji daxwazên Kurdistaniyan pêk dihat radestê NY kirin.

Ji partiyên Kurd peyama 'Yekitiya Neteweyî'

KDoz — Sun, 01 May 2011 20:08:09 GMT

Partiyên kurdan ên li Bakûrê Kurdistanê BDP, HAKPAR û KADEP ên ku ji bo xurtkirina yekîtiya neteweyî ji bo hilbijartinê xebata hevpar dikin, ji bo çareserkirina pirsgirêka kurd jî bi 7 xalan biryara xebata bi hev re, girtin. Serokê Giştî yê HAKPAR'ê Bayram Bozyel diyar kir ku gelê Kurd li dijî polîtîkayên zilmê û pêkutiyan her car li ber xwe daye û ji bo parastina rûmeta xwe ya neteweyî jî, bi bawerî û bi biryarî têkoşiya ye û ji ber vê yekê gelek bedêl jî daye.

Beriya hilbijartinên 12'ê Hezîranê partiyên kurdan di çarçoveya xebatên yekîtiya neteweyî de biryara xebatên hevpar girtin. Der barê mijarê de, li Salona Resepsiyonê ya Sumerparkê daxuyanî hate dayîn.

Hevseroka Giştî ya BDP'ê Fîlîz Koçalî, Serokê Giştî yê HAKPAR'ê Bayram Bozyel û Cîgirê Serokê Giştî yê KADEP'ê Lutfî Baksî beşdarî daxuyaniyê bûn.

Daxuyanî ji aliyê Bayram Bozyel ve hat xwendin. Bozyel got ku ji avabûna komarê heta niha, gelê Kurd li ser axa xwe ji hemû mafên mirovî û neteweyî bêpar hatiye hiştin. Bozyel daxuyand ku di heman demê de gelê kurd bi her awayî rastî pêkutiyan hatiye, êşên mezin kişandiye, lê li gel van polîtîkayan gelê kurd jî her carê li ber xwe daye û ji bo parastina rûmeta xwe, bi bawerî û bi biryarî têkoşiyaye, ji ber vê yekê gelek bedêl jî daye.

Bozyel da zanîn ku di encama vê berxwedanê de polîtîkayên zilmê bê encam mane û dewletê tiştek bi dest nexistiye. Bozyel diyar kir ku di vê pêvajoyê de ji bo çareserkirina pirsgirêka kurd şert û merc bêhtir musaît e û ji bo ku ev derfet baş bên nirxandin jî, pêwîstiya xebata pevpar a hêzên demokratîk ên kurdan jî heye.

JI BO ÇARESERIYA PIRSGIRÊKA KURD A DEMOKRATÎK, 7 XALÊN ESASÎ

Bozyel got ku ji bo çareseriya pirsgirêka kurd a aştiyane, demokratîk û wekhev, ev biryar girtine:

* Amedekirina makeqanûneke ku nasnemaya kurdan nas dike û mafên xwerêvebirina kurdan misoger dike,

* Kurdî wekî zimanê perwerdehiyê bê qebûlkirin û li qada cemaweriyê de bi awayeke serbest bê bikaranîn,

* Kurd bikaribin bi nasnameya xwe ya xweser xwe birêxistin bikin û bi awayeke azad tevli pêvajoya siyasî bibin,

* Hemû girtiyên siyasî bên berdan,

* Hêzên mîlîter ên li herêmê, bên rakirin û cerdevanî bê rakirin,

* Benda hilbijartinê bê rakirin,

* Ji bo ronîkirin û hesab pirsîna cînayetên li dijî kurdan ên ku di paşerojê de pêk hatine û sûcên hatine kirin, me biryara xebata bi hev re, girtiye."

Bozyel axaftina xwe wiha bi dawî kir: "Partiya me ji bo hêzên demokratîk ên kurdan ên neteweyî yêkitiya xwe pêk bînin û di pêvajoya hilbijartinê de xebata hevpar bikin, dê ji bo yekîtiya neteweyî ya kurdan bikeve nava hewldanan."

Leyla Zana: Kêr gihişt hestî

KDoz — Sun, 01 May 2011 15:04:16 GMT

Bi hezaran kurd li dijî operasyonên siyasî û leşkerî li Farqînê Erxenî û Serêkaniyê derketin qadan û dijberiya xwe anîn ziman. Namzeta serbixwe ya Bloka Ked, Azadî û Demokrasiyê ya Amedê Leyla Zana, di mîtînga Farnqînê de bang li Serokwezîr Erdogan kir û diyar kir ku Erdogan û AKP ji gel ne mestir e. Zana, anî ziman ku êdî kêr gihiştiye hestî û sebra gelê kurd xelas bûye. Zana, anî ziman ku heta pirsgireka kurd neyê çareserkirin dê tirsa gelê kurd di dilê AKP'ê de her bijî.

FARQÎN

Li navçeya Garqînê ya Amedê li dijî operasyonên leşkerî û siyasî mîtîngek hate lidarxistin. Di mîtingê de namzeta Bloka Ked, Azadî û Demokrasiyê ya Amedê Leyla Zana, endam û rêveberên BDP'ê, Şaredarê Farqînê Fatil Erdede û nûnerên saziyên sivîl ên civaki amade bûn. Zana, ji aliyê konvoyek mezin ve hate pêşwazîkirin û pişt re bi hezaran çûn qada mîtîngê. Di mîtînga ku li Qada Azîzoglu ya taxa Mescîtê pêk hat de, pankartên "Bila astengiyen li pêşiya perwerdehiya zimane zikmakî be rakirin û benda hilbijartinê bê rakirin", "Bila operasyonên siyasî û leşkerî bên rawestandin" û posterên Rêberê Gelê Kurd Abdullah Ocalan hatin vekirin. Her wiha jinen ku Zana bi gulan pêşwazî kir jî qada mîtîngê bi rengên kesk, sor û zer neqişand. Bi hezaran kesên li qada mîtîngê kom bûn, dowîzên "AKP=Xwîn û Şer", "Em nabin kurdên dewşîrme yên AKP'ê" û "Dayik digirîn Emîne dikene", "Dê qêrîna dayikan tariyê ronî bike û AKP'ê di tarîtiyê de bifetisîne" rakirin û dirûşmeyên "Bê Serok jiyan nabe", "şehîd namirin" û "Erdogan kerdogan tu qûrbana Ocalan" gotin. Zaroka bi nave Nupelda helbesta li ser Xweseriya Demokratîk xwend û girste hestewar kir"

'EZ BI RUHÊ DELÎLA MAZLUM Û ŞIYAR WE SLAV DIKIM'

Mîtîngê bi rêzgirtin û axaftina Serokê Rêxistina BDP'a Farqînê Abdullah Eflatun û rêveberê BDP'a Amedê Mahmut Yokuşun dest pê kir. Pişt re namzeta Amedê Leyla Zana, axivî û wiha got: "Ez bi ruhê Delîla Mazlum û Şîar we slav dikim. Zana, anî ziman ku 20 sal berê jî derket pêşberi wan û 20 sal berê çawa xwedî bawerî bû niha jî xwedi heman bawerî ye. Zana, hikûmeta AKP'ê da ber rexneyên tûç û anî ziman ku AKP û Serokwezîr xwe li ser gel dibîne. Zana, rexneyên tuj li AKP'ê girt û wiha got: "Ez dozek bi rûmet û pîroz e. Gelekî ku ber bi azadiyê ve dimeşe di teqeya xweda de jî bi rûmet e. Bila AKP û Serokwezîr zanibe ku ji gel ne mezintir e. Li ser gel dîktaroriyê dimeşîne. Daxwazên gel paşguh dike." Zana, anî ziman ku êdî kêr gihiştiye hestî û sebra gelê kurd xelas bûye. Zana, anî ziman ku heta pirsgireka kurd neyê çareserkirin dê tirsa gelê kurd di dilê AKP'ê de her bijî. Zana, bagn li kurdên ku di bin bana AKP'e de jî cih digirin kir û xwest li nasname û rûmeta xwe vegerin

ERXENÎ

Li navçeya Erxenîyê ya Amedê jî Rêxistina BDP'ê li ber avahiya partiya xwe bi daxuyaniyekê operasyonên siyasî û leşkerî şermezar kir. Bi sedan kesên ku li ber avahiya BDP'ê kom bûn, dirûşmeyên "Êrîş me bêzar nakin" "Xelîlek biçe, dê hezar xelîl bên", "Bijî serok Apo", "Qatil Erdogan" gotin. Kom, heta avahiya AKP'ê meşiyan û li vir daxuyanî dan çapemeniyê. Serokê BDP'a Erxeniyê Mehmet Yergîn, anî ziman ku her gelê kurd aştiyê dixwazin hikûmeta AKP'ê bêtir polîtîkayên şer pêş dixe. Yergin, anî ziman ku ji ber operasyona navçeya Pîranê 35 welati hatin binçavkirin û li her ku diçin operasyon mezin dibin. Yergîn operasyon şermezar kirin û xwest operason bi dawî bibin. Komê piştî daxuyaniyê çalakiya rûniştinê pêk anî û belav bû.

SERÊKANIYÊ

Li navçeya Serêkaniyê ya Rihayê jî bi boneya şermezarkirina operasyonên leşkerî siyasî, êrîşên li diji "Konên Çareseriya Demokratîk" li ber avahiya BDP'ê ya kolana Gaziyê daxuyanî hate dayîn. Bi sedan kesên beşdarî daxuyaniyê bûn operasyonên siyasî û leşkerî şermezar kir. Di daxuyaniyê de endam û rêveberên BDP'ê û Şaredarê Serêkaniyê Îsmaîl Aslan amede bû. Komê di daxuyaniyê de dirûşmeyên "Bijî 1'ê Gûlanê", "Hûn dê di xwîna xwe de bifetisin" û "Bijî Serok Apo". Balşêk bû ku dema komê daxuyanî da çapemeniyê polîsên hêzên çevîk bi TOMA'yê û wesatiyên zirxî tedbîrên mezin girtin.

Goran Kamil albûma xwe ya yekemîn derdixe

KDoz — Sun, 01 May 2011 09:31:24 GMT

Hunermend Goran Kamil piştî 28 salên di nava karê hunerî de, albûma xwe ya yekemîn derdixe.

Ev 28 sale Goran Kamil bi mûzîsyeniyê ve mijûle û ji bo bi dehan hunermendên Kurd karê albûma stranan kiriye. Di van demên dawî de albûmek ya stranan bi deng û mûzîka xwe derdixe. Goran Kamil got: "Ev demek dirêje bi amadekirina çend stranan ve mijûlim, ji ber xewna min a kevne wekî stranbêjekê xizmet bikim.”

Hunermend Goran Kamil derbarê albûma xwe ya nû de got: "Ev albûma min ji 8 stran û 4 parçe mûzîkan pêkhatiye. Hemû jî min bi xwe amade kirine û hêvîdarim di vî warî de xizmeta hunera Kurdî bikim.” Kamil diyar kir ku piştî tomarkirina stranekê, wê bike klîp.

Qamişlo, Derbesiyê û Amûdê bêyî înternet û telefonin

KDoz — Sun, 01 May 2011 09:15:49 GMT

Hat diyarkirin ku li bajarên Qamişlo, Derbesiyê û Amûdê xeta telefonan hatiye qutkirin. Li gor çavkaniyên herêmî, du êvarê xeta înternetê ya van bajaran hatiye qutkirin. Her wiha hat ragihandin ku li Qamişloyê jî gelek kes hatine binçavkirin.

Li gor çavkaniyên herêmê, duh li bajarên Qamişlo, Derbesiyê û Amûdê yên Başûrê Rojavayê Kurdistanê xeta înternetê hatin qûtkirin. Her wiha li Amûdê û Qamişloyê jî gelek kes hatin binçavkirin. Li gorî çavkaniyên ji herêmê navê kesên hatin binçavkirin wiha:

Şêx Ebdulqadir Elxeznewî, Usama Mensûr Elhilalî, Ebdulsemed Umer ( Melayê mizgefta Qasimo), Ebû Riyad. Her wiha navê kesên li Amûdê jî hatin binçavkirin wiha ne: Ebdul Ilah Oca, Enwer Naso, Kendal Reşîd Kurd û Fehed Hesen Xanî.

LI KOBANIYÊ XWEPÊŞANDANA GIRSEYÎ

Herwiha, hat ragihandin ku li bajarê Kobaniya Başûrê Rojavayê Kurdistanê bi beşdariya bi hezaran kes duh xwepêşandanek hat lidarxistin. Di xwepêşandanên de daxwazên gelê Kurd ên li Başûrê Rojavayê Kurdistanê hatin bilindkirin. Herwiha di xwepêşandanê de galên PYD û posterên Rêberê PKK’ê Abdullah Ocalan hatin hilgirtin.

Dibe ku Mubarek bê sêdarkirin

KDoz — Sat, 30 Apr 2011 18:49:11 GMT

Wezîrê Dadê yê Misrê Muhammed el-Cundî got, ger bête îspatkirin ku, emrê gulebarankirina xwepêşandêran Serokomarê têkçuyî yê Misrê Husnî Mubarek daye, dibe ku bête îdamkirin.

Cundî daxuyanî da rojnameya Ahramê û got, tenê rêya xelasê ya Mubarek, ji hêla serokdewletê nû ve bexşîn e.

Cundi got, ger ew serokdewlet be, erka xwe ya bexşîna Mubarek bikar nayîne.

Li gorî hejmarên resmî, di dema xwepêşandanên Misrê de, 846 kesan jiyana xwe ji dest da û bi hezaran kes jî birîndar bûn.

Kewnewezîrê Hundir ê Misrê Hebîb el-Adli kû ji ber bûyeran hatibû girtin gotibû, ji Mubarek emr girtine.

Mubarek jî gotibû wî tu emrê gulebarankirina girseyê nedaye.

Mubarek di 11ê sibatê de, dev ji deshilatiya xwe ya 30 salan berda û tevî malbata xwe li bajarê Şarm el-Şêxê bicih bû û piştî biryara girtinê, li nexweşxaneyek bi awayekî girtî tê dermankirin.

Kurên Mubarek Ala û Cemal tevî rayedarên payebilnd ên rejîmê, di Girtîxaneya Tora ya nêzîkî paytext Qahîreyê de girtî ne.

Hêvî Murad Klîpa xweyî 3. dikişîne

KDoz — Fri, 29 Apr 2011 16:08:08 GMT

Hevpeyvîn li gel Hunermend Hêvî Murad di dema kişandina 3. klîpa wê de.

Xwepêşandanên Sûriyê roja 29.04.2011

KDoz — Fri, 29 Apr 2011 15:18:55 GMT

Îro jî li Rojavayê Kurdistanê û Sûriyê welatî daketin xwepêşandanan. Li bajarên Kurdistanê: Derbêsiyê, Qamişlo, Serêkaniyê. û Li bajarên Sûriyê jî: Darya, Heleb, Himis, Dêrazorê û gelek bajarên din. Di xwenîşanên îro de "gel rûxandina rejîmê dixwaze" gelek bilind bû

Komara Îslamî a Îranê pista Sûriye digre

KDoz — Fri, 29 Apr 2011 08:42:37 GMT

Bûyerên li Sûriyeyê rojeva Cîhanê dagir kiriye, lê çapemeniya Îranê van pêşketinan sansur dike. Di bûyerên li Sûriyeyê de bi sedan kes têne kuştin, lê televîzyonên Îranê qet cî nade Sûriyeyê. Rêberê Olî yê Îranê Ayatullah Xameyni Sûriyeyê ji nedîtî ve hat û got ; "Giyanê şoreşa Îranê li Lîbya, Yemen û Behriyenê digere.”

Sala par Serokkomarê Sûriye Beşar Esad hatibû serdana Tehranê û di kanalên televîzyonê de, Îranê madalya dabû Esad. Lê niha, televizyonên Îranê qet cih nadin nûçeyên pêşketinên li Sûriyeyê.

Rejîma Îran, qet cih nade nûçeyên kuştinan ên li Sûriyeyê, herwiha meclîsa Îranê jî bûyeran qet gotûbêj nakin. Niha rayagiştî maye li benda daxuyaniya Serokkomar Ehmedînejad.

Berdevkê Wezîrê Derve yê Îranê Ramin Mehmanperes, ji kanala dewletê ya Erebî al Alam re axivî û daxuyaniya Obama ku dibêje "Îran di nava bûyerên li Sûriyeyê de çalak e” derewand. Rêberê Olî yê Îranê Ayatullah Xameyni Sûriyeyê ji nedîtî ve hat û got ; "Giyanê şoreşa Îranê li Lîbya, Yemen û Behriyenê digere.”

Li Efrînê hunermend û bavê du zarokan kuştî hate dîtin

KDoz — Tue, 26 Apr 2011 19:49:37 GMT

Hate ragihandin, ku roja şemiyê, nêzî Efrînê, termê stranbêjê ciwan Ridwan Doxan di hundirê bagaca otomobîla wi de kuştî hatiye dîtin.

Derbarê wê bûyerê de, yek ji xizmên wî, Lamî bavê Ciwan ragihand ku di wê êvarê de, du aheng bi rêve biriye û ji demjimêr 24:00 ve, agahî li ser wî neman.

Di dirêjahiya axiftina xwe de, Bavê Ciwan da zanîn ku roja yekşemê li gundê Tirindê, di bagaca otombîla xwe de, kuştî hatiye dîtin.

Wê jêderê aşkire kir ku ew bi kravata wî fetisandine û tûreke naylonî jî xistine serê wî û di bagaca otombîla wî de veşartine.

Li gorî pizîşkekî nexweşxaneya Ezazê, hate ragihandin ku sedema ku Ridwan jiyan xwe ji dest dane fetisandin.

Hêjayî gotinê ye ku dengbêjê koçkirî xwediyê du zarokan e û ji 20 salan ve karê hunerî li navçeya Kurdaxê dike û xwedî cemawerekî berfereh bû.

dengê hunermend Ridwan Doxan

Karayilan: Rewşa herêma Kurdistanê xetere

KDoz — Tue, 26 Apr 2011 19:20:30 GMT

Di derbarê xwepêşandanên li herêma Kurdistanê de Serokê Konseya Rêveber a KCK Murad Karayilan daxuyaniyek da û got, ku ti sûda Kurdan ji pevçûnên navxweyî nîne û rewşa herêmê bi xeter bi nav kir.

Di daxuyaniyek jibo ANF Karayilan got, ku tenê bi diyalog û riyên aştiyane pirsgirêkên başûr tên çareserkirin.
Karayilan got ; "Hêj jî beşek ji Başûrê Kurdistanê nehatiye azadkirin. Bê guman divê li beşa azadkirî jî sîstemek demokratîk û azadîxwaz hebe. Divê parvekirine adîl hebe. Divê cihê gendeliyê lê nemîne.”

Serokê Konseya Rêveber a KCK got, ku divê hikûmet û Oposîtyon jiber vê pêvajoya nazik a rojhilata navîn baldarbin û pêşniyar kir ku herdu riyek hevpar jibo çareseriyê bibînin. Karayilan bang li herdu aliyan kir ku dest ji hewldanên tundiyê berdin û bal kişand ku ev yek ti sudê nade tu kesekî.

Karayilan got; "li ser vî bingehî em bang li herdu aliyan dikin ku bi berpirsyarî tevbigerin, di vê dema dîrokî de pirsgirêkên di navbera xwe de bi riyên aşitiyane çareser bikin. Ger divê mijarê de tiştek ku em bikaribin bikin hebe, em amade ne. Em her tim ji bo çaseriya demokratîk û aramiya Herêma Kurdistanê tişta ku dikeve ser milên me amade ne. Bi vî awayî em dikarin bi rêbazên cûda alîkarî bidin. Em alîgirê aramiya herêmê ne. Em alîgirên yekitiya gelê Kurd, dad û pêşketina demokrasiyê ne. Ji ber vê jî divê her du alî bi berpirsyarî nêzî pêvajoyê bibin. Bê ku ev krîz kûrtir bibe, wê çareserî di berjewendiyên gelê me yê Başûrê Kurdistanê û hemû gelê Kurd de be û bi ya me divê pirsgirêk bi vî awayî were çareserkirin.”

Hejmara 'W' a nîsan û gulanê derket

KDoz — Mon, 25 Apr 2011 14:20:53 GMT

Hejmara avrêl û gulana 2011’an a Kovara Çand, Huner û Wêjeyê ya W derket. Di vê hejmarê de mijara "Li Ba Jinan Wêjeya Kurdî” hate vekolînkirin.

Hejmara 37’an a Kovara W ku di bin banê Enstîtuya Kurdî ya Amedê de tê derxistin, derket.

Di vê hejmarê de li ser "Li Ba Jinan Wêjeya Kurdî” hate sekinandin. Li gel vê dosyeyê, helbest, werger û çîrok jî hatin belavkirin.

Nivîs û nivîskarên di vê hejmarê de ev in:

Tu kî yî- Feratê Dengizî
Ez kuncî, tu kuncî - Xelat Ehmed
Jêbira şevê - Mûrat Ozyaşar
Merdêne - Lorîn Demîrel
Bandora perwerdehiya dagirkeran - Medenî Ferho
Mizgînxêrk’ek’- Xecê Omerî
Şev e - Dilşêr Bêwar
Paul Eluard -Amadekar: Remezan Olçen
Biyanî - Charles Bukowski
Neynikek xeyal - Welat Dilken
Emrê qeşmer- Înan Eroglû
Şopa çûyînê - Hecî Nehsan
Deq - Îlhan Samî Çomak
Toq - Mûrat Gazîoglu
Gundê şîrîn- Muhamed Hîcazî
Ax ax - Îlhamî Ozer
Paul Celan - Amadekar: Tengezarê Marînî
Dilên gemarî - Pîroz Xan
Dosye - Li ba jinan wêjeya kurdî
Ji bo hemû jinên lêgerên edalet, rastî û hezkirinê - E. Ocalan
Hevnivîsîn bi Mizgîn Ronakê re- Elîxan Loran
Ji bo serbestiyê biqîre - Asya Genim
Wêje û jin - Nesrîn Navdar
Jin û wêjeya kurd - Zeynep Yaş
Helbest zimanê dil û derbirîna giyana xwezayê ye - Fatma Savci
Rewşa wêjeya heyî û hebûna jinan - Dîlan Aydin
Wêje û jin - Mizgîn Ronak
Hestên jinê yên veşartî - Reyhan Sarhan
Hevpeyvîn bi Gulgeş Deryaspî re - Hevpeyvîn: R. Sarhan
Jin di helbestên Cegerxwîn de - Mehmûd Badilî
Yekemîn helbest & yekemîn helbestvan - Îkram Balekanî
Ji Semsûrê hinek gotinên pêşiyan - Zekî Akdag
Ez ê rûyê te li dilê xwe bideqînim - Xezal Meral Dêrikî
Pirtûkxaneya gund - ar-da Janxwar
Pêgirî li cem Hacî Qadirê Koyî - Nîmetulah Hamid Nihêlî
Refek çûk - Robîn Şerna
Ser-best - Berçema M.
Ey dîlber - Bahadîn Roban
Çav - Şengul Ogur
Kurteyek ji jiyan û wesiyetnameya Gîw Mukiryanî - Amadekar: Dêrsim Oremar
Koroya gundtewî, fitwa wê tune - Rêdûr Dîjle
Xaçepirsa Mihemed Şêxo - Lokman Ayebe

NY ji Sûriyeyê lêpirsîn xwest

KDoz — Mon, 25 Apr 2011 14:02:54 GMT

Neteweyên Yekbûyî (NY) xwest ku hêzên ewlekariya Sûriyeyê bixin bin çavdêriyê û derbarê kuştina zêdetirê 100 xwepêşandêrên di dawiya vê hefteyê de lêpirsîn bê destpêkirin.

Rapyedara NY Pillay zêdebûna tundiya li Sûriyeyê şermezar kir û banga serbestberdana girtiyên siyasî û parêzvanên mafê mirovan kir.

Pillay di daxuyaniya nivîskî de got; "Pêngava yekemîn rawestandina tundutijiyê ye, divê derbarê hêzên ewlekarî û hemû kuştinan de komîsyonek a lêpirsînê avakirin û dest bi lêpirsînê bike.

Encamên şerê li Lîbyayê - Vîdyo -

KDoz — Sun, 24 Apr 2011 20:12:34 GMT

Encamên şerê li Lîbyayê - Vîdyo -

Hunermend DILNIYA QEREDAXÎ JI HEVJÎNÊ XWE CUDA BÛ

KDoz — Sun, 24 Apr 2011 16:56:20 GMT

Sitranbêja Kurd Dilniya Qeredaxî li daxuyaniyeke teybet de ragihand ku, ev neh heyîvin ew û hevjînê xwe ji hev cûda bûne.

Dilniya Qeredaxî li daxuyaniyekî taybet de bo ajansa Peyamnêr , got ku ev nêzîkî neh heyîvin ku wê û hevjînê xwe Arî Heme Seyîd cûda bûye û niha ew li gel kurê xwe yê tenê li mala bavê xwe jiyan dike.

Hêjayî gotinê ku Hunermend Dilniya Qeredaxî li sala 2002 bi Arî Heme Seyîd re jiyana hevjîniyê pêkanî bû.

Ji Elmanyayê hişyariya "Hingivê Tirkan nexun"

KDoz — Fri, 22 Apr 2011 10:48:29 GMT

Derket holê ku di nava hingivê ku li Tirkiyeyê tê hilberandin de hinek heyberên ku ziyanê didin, tenduristiya mirovan hene. Gelek welatiyên ji Tirkiyeyê vegeriyan Elmanyayê hingiv bi xwe re anîn. Lê derket holê ev hingîv dibe sedema êşa gedeyê. Wezareta Parastinê ya Eyaleta Baden-Württemberg hişyariya "Hingiv nexwin” li welatiyan kir.

Pisporên Elman ragihandin ku wana di nava hingivê ku ji Tirkiyeyê tê de heybera jehrê ya bi navê "Grayanotoxin” heye û hişyariya "Hingivê Tirkan nexwein.”

Pisporên Elman, hingivê ku wlatiyna bi xwe ji Tirkiyeyê anîn, lêkolîn kirin û diyar kirin ku ev hingiv ziyanê didin tenturistiya mirov. Eyaleta Bade-Württemberg hişyariya "Hingiv nexwin” li welatiyan kir û ragihand ku ziyanê didin tenduristiyê.

Daxuyaniya Serokatiya herêma Kurdistanê derbarê qedexekirina hilbijêrên Kurd

KDoz — Thu, 21 Apr 2011 19:42:15 GMT

Serokatiya herêma Kurdistanê li derbarê nûçeya ku Tirkiyê navên 12 berbijêrên serbxwe ji bo hilbjartinên giştî yên hezîranê redkiriye, di vê bareyê de Serokatiya herêmê daxuyanî daye:

"Li gor wan zanyariyên ku gihiştine destên me, Lîjneya Bilinda Hilbijartinên Tirkiye navê 12 berbijêrên serbixwe ji bo hilbijartina giştiya 12 Hezîran ê li meha pêş de redkiriye ku li navbera wan da navên çendîn kesayetiyên navdar jî heye.

Em li çarçêweya dostayetiya xwe ya li gel gelê Tirkiye û xweşhaliya xwe ya beramber wê vekirina siyasiya ku li wî welatî da tê peyrew kirin nîşan didîn. Lê em bawerin ev biryar bandorê li ser rewşa siyasiya Tirkiye bi giştî û pêvajoya aştiyê dike. Ji bo wê yekê pême başe li çarçêweya yasayê da ev pirs bête çareserkirin. Ji ber ku çaresernekirina wê bi tu awayekî xizmeta wê siyaseta niha ya Tirkiye nake."

Serokê PYD’ê vegeriya Qamişloyê

KDoz — Wed, 20 Apr 2011 20:01:08 GMT

Ji ber pirsgirêkên ewlekariyê demek dirêj bû Serokê Partiya Yekitiya Demokratîk (PYD) Mihemed Salih Mislim li derveyê sînorên Sûriyeyê bû. Piştî demekê vegeriya.

PYD’ê roja 20’ê Nîsanê demjimêr 17.00 li taxa Wista ya Qamişloyê civînek li dar xistin. Hat diyarkirin ku di civînê de deklerasyona PYD’ê û plansaziya PYD’ê ya ji bo çareseriyê hat gotûbêjkirin.

Di gotûbêjên ku di civînê de hat kirin, de hat diyarkirin ku divê pirsgirêka Kurd bi riyên aşitiyane û demokratîk bên çareserkirin. Herwiha hat ragihandin ku modela çareseriyê ya Kurdan "Xweseriya Demokratîk e.”.

Di civîna ku Serokê PYD’ê Mihemed Salih Mislim beşdar bû de banga li reforman kir ku bi awayek jidil dest bi reforman bike, hemû zagonên ji dema danîna rewşa awerte ve di meriyetê de ne, bêne rakirin. Herwiha divê mafê Kurdan ê çandî û siyasî bên dayîn û ev yek divê di çarçoveya zagonan de bê mîsogerkirin.

Buhayê ûnseya zêr rêkorek nuh şikand

KDoz — Wed, 20 Apr 2011 19:10:41 GMT

Buhayê ûnseya (28,349 gram) zêr jibo cara yekê di dîrokê de gihaşt 1500 dollarî. Jiber metirsiyên aboriyê li cîhanê li Hong Kongê buhayê zêr hewqas bilind bûye.

Doh jî li Londonê, jiber daketina buhayê dollar li himber euro û deynên welatên Yekîtiya Ewropayê, ûnseya zêr nêzî vê hijmarê bûbû.

Tê zanîn ku buhayê zêr ji destpêka 2011 ji sedî 6 zêde bûye û herdem ji rêkorekê derbasî rêkorek din dibe.

Demîrtaş hevdîtina bi Gul re betal kir û çû Bismilê

KDoz — Wed, 20 Apr 2011 17:35:27 GMT

Hevserokê Giştî yê BDP'ê yê berê Selahattîn Demîrtaş ji ber ku di bûyerên Bismîlê de kesekî jiyana xwe ji dest da hevdîtina bi Serokomar Gul re betal kir û wiha got: "Li Bismîlê kesek bi guleyan hate kuştin û bi sedan kes birîndar in. Dîsa li Amedê jî bi sedan birîndar hene. Di rewşekî wisa de ez nikarin bi Serokomar re hevdîtinê bikim."

Piştî YSK'ê di nav de 7 namzetên serbiwxe yên BDP piştgiriyê didin û bi giştî 12 namzetên serbiwxe veto kirin, Serokomar Gul ji bo pirsgirêka derket holê çareser bike Hevserokê Giştî yê BDP'ê yê berê Selahattîn Demîrtaş dewetî Koşka Çankayayê kir. Çavê raya gitşî li hevdîtina Gul û Demîrtaş a ku dê saet di 19.00'an de pêk hatiba. Lê hevdîtin ji aliyê Demîrtaş ve hate betalkirin.

Demîrtaş bi hinceta "Îro li Bismîlê kes bi guleya polîsan jiyana xwe ji dest da. Ji ber vê bûyerê ez naçim koşkê. Ez li Koşkê geriyam û min agahî da." Demîrtaş, got, "Li Bismîlê gule beradan çalakvanan. Kesekî jiyana xwe ji dest da û gelek kes jî birîndar bûn. Ez dê bi telefonê wehşeta li wir ji Gul re bêjim."

'DI REWŞEKÎ WIHA DE EZ NIKARIM BI SEROKKOMAR RE HEVDÎTÎNÊ PÊK BÎNIM'

Demirtaş têkildarî betalkirina hevdîtinê re daxuyanî dan DÎHA'yê û wiha axivî: "Li ser dewata Serokomar ji bo ku ez biçûm Enqere ez ber bi Balafirgeha Amedê ve di çûm. Ji ber ku Serokomar ez dewet kirim ez bi erênî nêzî bûm û dê çûbam. Heke ez çûbam min dê dêkildarî pêşveçûna de nêrîna xwe û daxwazên me yên giştî jê re gotiban. Her wiha em dê pêşniyarên xwe yên çareseriyê jê re pêşkêş kiriban. Min dê mudaxeleya li dijî me ya tenê bi veto kirina namzetan neyî jê re gotinba. Daxwazên gelê me hene. Heviyên çareseriyê hene. Min dê ev pê re parvekiriban. Lê dema ku ez ber bi balafirgehê ve diçûm agahiya li Bismîlê kesek bi guleyan hate kuştin û gelek kes jî birîndar in hat. Her wiha li Amedê jî bi sedan birînda hene. Di rewşekî wisa de hevdîtina bi Serokomar Gul re ne pêkan e. Ez nikarim ji Amedê jî veqetiyêm. Ez niha ber bi Bismîlê ve diçim. Min bi Midûrê Taybet ê Serokomar Huseyîn Velî Karslioglu re hevdîtin pêk anî. Min berteka xwe jê re got. Min xwest ku ji Serokomar re bêje"

Demîrtaş, têkildarî bûyerên Bismîlê de tu rayedarên hikûmetê re hevdîtin nekiriye.

Dr. Berhem salih PDK û YNK rexne kir

KDoz — Wed, 20 Apr 2011 11:23:28 GMT

Serokwezîrê herêma Kurdistanê Dr. Berhem Salih (51 sal, YNK) rexneyên tund li PDK û YNK kir. Salih ji PDK û YNK xwest ku hikumet were guhertin û hukumetek teknoqrat bê sazkirin. Di nameyekê de ku Dr. Salih ji sekreterê YNK Celal Talabanî re şand, têde got, ku li himber xwepêşandanên li herêma Kurdistanê YNK tiştek nekiriye û ew, Dr. Salh, amade ye ku ji YNK îstîfa bike.

Dr. Salih di derbarê rojnamevaniya li herêma Kurdistanê de got; "Li herêmê li dijî çapemeniyê pêkanînên mafyayî tên meşandin”

Hin kes dibêjin ku li herêmê Serokwezîr Dr. Berhem Salih bêbandore. Li Hewlêr û Duhokê peywirdarkir ji aliyê PDK ve tên kirin. Li Silêmaniyê jî her tişt di bin siya YNK deye. Bi vî awayî Salih tenê dikare beşdarî karên vekirinan bibe.

li Sûriyê di roja rakirina rewşa awarte de: 4 kuştî

KDoz — Tue, 19 Apr 2011 19:45:54 GMT

Hukûmeta Sûriyê biryara rakirina rewşa awarte ji welêt da. Herwiha dadgeha ewlekariya dewletê a bilind jî hat rakirin. Dadgeha ku gelek syasî û çalakvanên guhertinê bi salan kirin zindanan. Wekî din jî biryara qanûna xwepêşandanên sivîl hate dayîn.

Di vê navberê de wezareta hundir ji welatiyan xwest ku xwepêşandanan pêk neynin û tevî meşan jî nebin.

4 kuştî

Gelek dûr ji van biryarên ku dewletên dan, îro li Humsê hêzên ewlekariyê êrîşî meydana çalakiyê kirin, di encamê de 4 kesan jiyan xwe ji dest dan.

daxwazên gel

Ev guhertinên ku hukûmeta Esed pêk tîne encamên 5 hefteyan ji xwepêşendanên bê rawstane. Lê heya ku dewlete biryara guhertinê da, daxwazên gelê Sûriye gihişt XISTINA RECÎMÊ. Van çend rojan li gelek bajaran sloganên "GEL RUXANDINA RECÎMÊ DIXWAZE" bilind bûne.

Bêtirî 40 % masiyên deryayê li ber xelasbûnê ne

KDoz — Tue, 19 Apr 2011 19:32:24 GMT

Di lêkolîneke ji aliyê "yektiya navnetewî a jibo parastina xwezayê" de hate xuyakirin, ku ji sedî 40 masiyên di ava derya sipî de di salên tên de li ber wendabûnên ne. Yektiya navnetewî a jibo parastina xwezayê, got ku sedemên qelandina van masiyan jiber masîgirtin û gemara deryayê ye.

Ji aliyê din de, Organizasyona xwarin û çandinê a girêdayî Netewên yekbûyî, dibêje ku rezerva masiyan li cîhanê kêm bûye. Li gor texmînan di mijdara 2010 hijmara masiyên thûnê ên basik şîn ji 13500 daketî 12900 ton/salane

li Sûriyê di roja rakirina rewşa awarte de: 4 kuştî

KDoz — Tue, 19 Apr 2011 18:56:26 GMT

'Avahiya kenala Peyam hatiye dorpêç kirin'

KDoz — Tue, 19 Apr 2011 13:10:32 GMT

Birêveberê Kenala Peyam Farûq Alî ragihand ku 2 hêzên çekdar ên dijî terorê û asayişê derdora avahiya kenalê girtine.

Ajansa AKnewsê ragihand ku birêvebeê Kenalê got: 'Îro, danê sibê hêzekî çekdar nêzîkî 12 otomobîlên camtarî, ku cilên reş li wan e û bi hêzên dijî terorê tê naskirin, derdora avahiya kenala me dorpêç kirin.'

Alî xuya kir ku piştre ew hêz çûn û nêzîkî 200 çekdarên hêzên asayişê bi dûrahiya nêzîkî 200 mitirî derdora avahiyê girtin.

Alî axaftina xwe wiha domand, "Xelkê bajarê Silêmaniyê wek dîwarekî mirovî derdora avahiya kenalê girtine bê ku em ji wan bixwazin û ew li ser îradeya xwe ew helwesta ciwan nîşan dane.”

Kenala Peyam bi ser Komeleya Îslamî ya Kurdistanê ye ku yek ji partiyên dijbereyê ye li Herêma Kurdistanê.

Balafira Boeing 747-8 IntercontinentalJumbo-Jet

KDoz — Mon, 18 Apr 2011 20:28:48 GMT

Balafira Boeing 747-8 IntercontinentalJumbo-Jet

Çend wêneyên balkêş ji cîhanê

KDoz — Mon, 18 Apr 2011 19:34:42 GMT

Çend wêneyên balkêş ji cîhanê: ji Afrîka başûr, Brazîl, Danîmarka, DYA, Fransa, Japonya, Misr, Swêd

Afrîka başûr

Brazîl

Danîmark

DYA

DYA

Fransa

Japonya

Swêd

Misr

Ji Afrîka başûr jibo Ocalan xelata aştiyê

KDoz — Mon, 18 Apr 2011 19:21:42 GMT

Rêberê gelê Kurd Abdullah Ocalan jiber hewldanên aştiyê hêjayî xelata aştiyê a çalakên têkoşînê ên komeleya Afrîka başûr hate dîtin.

Essa Moosa Dadgegerê Dadgeha Bilindya Afrîkaya Başûr, got ku ji ber Ocalan, ji bo aştiyê "Nexşerê" aşkera kiriye wan biryar girtiye ku vî xelatî bidin wî. Moosa, diyar kir ku wekî keseke ku ji bo şer bi dawî bibe li gelek cihan bûye navbenkar, bawer dike ku aştî dê bi diyalogê pêk bê. Moosa, got ku eger qet niqarin Ocalan bibînin wê demê, dê li bendê bin ku Ocalan bê berdan û dê li welatê xwe xelatê Ocalan bidin wî.

Jibo xelatê bidin Ocalan jî diwazin berbe Îmralî ve herin. Heger daxwaza wan neyê qebûl kirin jî, wê xelatê bidin parêzerên rêberê gelê Kurd Abdullah Ocalan

Demîrtaş piştî serlêdana 12 namzetên BDP’ê hat redkirin: Ev biryara şerekî nû ye

KDoz — Mon, 18 Apr 2011 18:56:00 GMT

Lijneya Hilbijartinê ya Bilind serlêdana 12 namzetên serbixwe bi bihaneya "Mahkumiya wan ya berê heye" betal kir.

Li ser vê yekê jî BDP bersiv da:

Hevserokê berê yê BDP’ê Selahattîn Demirtaş biryara skandal YSK’ê ya derbarê "Eniya Ked, Demokrasî û Azadiyê’ de nirxand û got; "Ev komployek a dewletê ye û dê fatûraya wê ji AKP’ê re bê birrîn. Ev biryara şerekî nû ye.”

Kesên ku navên wan hatine redkirin:

Di nava kesên serdana wan hatiye betalkirin de namzetên Amedê Hatîp Dîcle, Leyla Zana, Şerafettîn Elçî, Namzeta Sêrtê Gultan Kişanak, Namzeta Stenbolê Sebahat Tuncel, Namezê Mêrsînê Ertugrul Kurkçu, Harun Ozelen, Abdullah Kizilay, Namzeê Elezîzê Îsa Gurbuz, Çîçek Otlu, Salîh Yildiz û Nezîr Sincan jî heye.

Lijneyê, serdana Hatîp Dîcle, Leyla Zana û Sebahat Tuncel de bi hinceta mahkumiya wan ya berê heye hatiye betalkirin. Lijneyê diyar kir ku ji ber piştî Tuncel bû parlamenter cezayê wê ketiye qeyda sicîlê serdana wê hatiye betalkirin.

Serdana Parlamentera BDP'ê ya Amedê Gulten Kişanak jî bi hinceta di qeyda sicîla wê de sabikaya wê ya dema beriya zewacê de heye hatiye betalkirin.

Gustîla hunermenda Kolombî Shakîra hate dizîn

KDoz — Sun, 17 Apr 2011 17:14:58 GMT

Di dema konsêra hunermenda bi nav û deng Shakîra de yek ji hezkiriyên wê ê amade bû, dema ku silav li Shakîra kir, gustîla wê ji destan dizî.

Li seranserê Îraqê perwerdeya Kurdî dibe fermî

KDoz — Sun, 17 Apr 2011 16:00:44 GMT

PUKMedia ragihand, ku wê zimanê Kurdî li Îraqê di xwendina hikûmetê de bibe fermî. Ev tê wateya ku, li hemû Îraqê Kurd dikarin Kurdî bixwendin û perwerde yê bibin. Li gor agahiyên ku bi dest ketine, wezareta perwerdeya Îraqê pirtûkên zimanê Kurdî ji bo polên 10, 11 û 12 amade dike û ew dê bikeve ezmûna 2012/2013.

2 girtî û 2 birîndar di xwepêşandanên li Silêmaniyê de

KDoz — Sun, 17 Apr 2011 15:36:27 GMT

Îro jî li Silêmaniyê xwepêşandan hebûn. Di navbera xwepêşandêran û hêzên ewlekariyê de şer derket û du kes birîndar bûn. ANF ragihand ku şer li kolana 'Pîrmêrd' pêk hatiye û jiber gullebaranê ji aliyê hêzên ewlekariyê de du kes birîndar bûne.

Wekî din hat ragihandin ku du rojnamevan jî hatine girtin. Yek ji wan rojnamevanan di rojnameya 'Hawlatî' de kar dike.

17 sebatê û virde xwepêşandan li Silêmaniyê ji bo azadiyê pêk tên.

'Smoke' kereke bû sedema krîzê di navbera DYA û Tirkiye yê

KDoz — Sun, 17 Apr 2011 10:55:27 GMT

Krîza ker a di navbera Tirkiye û Emerîkayê de wiha pêş ket. Berbazê Emerîkayê John Falsom li eyaleta Ambar a li Başûrê Iraqê kerek bê xwedî dibîne û tîne yekîneya xwe. Ji ber rengê ker û eleqederiya wî ya ji bo dumana cigarê navê ker kirin "Smoke” (Duman). Leşkeran bi Smoke re wêne girtin û ji malbatên xwe re şandin. Piştî vekê Smoke li Emerîkayê navdar dibe. Falsonm xwest ker bişîne Emerîkayê.

Wexfa Li dijî Zordariya li hemberî Ajalan a Navnetewî (SPCAI) birina ker a Emerîkayê girt ser xwe. Lê xwediyê ker derket û daxwaza 30 hezar dolar kir. Ji bo daxistina bihayê ker, şêxek li herêmê bû alîkar. Pitşre leşkeran di nava xwe de pere kom kirin û Smoke kirîn.

Piştre ker anîn Hewlêrê. Lê vê carê pirsgirêka bi Tirkiyeyê re derket. Li Hewlêrê hemû kontrolên tenduristiya ker hatin kirin. Derket holê ku ji bo çûyîna ker tu pirsgirêkek tune ye. Lê ji ber ku dewleta Tirk destûr nade ajalên zindî têkevin nava sînorê wê, ker li Xabûr hat astengkirin.

Ji ber vê jî rêxistinên mafên ajalan ketin dewrê. Destpêkê SPCAI û gelek rêxistinên mafê ajalan ên Emerîkayê ji bo birina ker, ji Tirkiyeyê destûr xwestin. Piştî hevdîtinan Wezîrê Çandiniyê destûr da ku ker di deriyê Xabûr re derbas bibe. Smoke duh derbasî Tirkiyeyê bû û ew şandin Îcîrlikê. Dê Smok ji vir bi riya balafira kargoyê bişînin eyaleta Nebraska ya DYE’yê.

Kerê bi navê Smoke saleke bû bi leşkerên Emerîkayê re dijiya. Heta niha di rûpela wî ya parvekirina civakî Facebookê de 200 hevalên wî hene. Serboriya ker li Emerîkayê tê şopandin.

Roja Belgefilman li Amedê dest pêdike

KDoz — Sat, 16 Apr 2011 16:01:31 GMT

Rojên Belgefîlman a Amedê ku ji meha çileyê heta niha hatî amedekirin wê di 18 nîsanê de destê bike. 70 belgefilmên beşdarbûne wê heya 24 nîsanê werin nîşan dan.

Ji aliyê juriyê ve ji bo nîşandanê 14 fîlm hatin hilbijartin. Di beşa nîşandanê de jî 26 belgefîlm û 40 kurtefîlm dê bê nîşandan.

FÎLMÊN PÊŞBIRKÊ
‘Kahpe Devran’, Derhêner Cahît Çeçen, ‘Miraz’, Derhêner Rodî Yuzbaşi, ‘12 Eylul Adaletî -2 /Cezaevlerî’ Derhêner Cahît Akçam, ‘Jîaru (Ziyaret)’, Derhêner Ozan Munzur, ‘Îkî Tutam Saç’ (Dersîm’în Kayip Kizları), Derhêner Nezahat Gundogan, ‘Olucanlar’, Derhêner Murat Ozçelîk, ‘Bê Wetan’, Derhêner M.Hadî Sumer - Halîl Firat Yazar, ‘Taşlaşan Vîcdanlar’, Derhêner Cenk Ortulu - Zeynel Koç, ‘Halepçe’ Derhêner Akram Hîdou (Ekrem Heydo), ‘Bedensîz Ruhlar’, Derhêner Sabîte Kaya, ‘Selahattîn’în Îstanbul’u’, Derhêner Sîbel Voskay, ‘Dayê Dibê Aşitî’, Derhêner Azîz Çapkurt, ‘Bolge’, Derhêner Gulîz Saglam-Feryal Saygili, ‘2 Temmuz’, Derhêner Aynur Ozbakir.

26 FÎLMÊN CUDA
‘Em kurd in’, Derhêner Curd Stahn-Sepp Paratîsmussen, ‘Diyarbakir-Hukukçulugumdan Utaniyorum’, Derhêner Karaman Yavuz, ‘Seyîd-Hakîkat Yolunda’, Derhêner Ozkan Kuçuk, ‘Bertîj’, Derhêner Caner Canerîk, ‘Evdalê Zeynikê’, Derhêner Bulent Gunduz, ‘Îstanbul Tinilari’, Derhêner Yuksel Yavuz, ‘Kirmizi Kalem, Derhêner Ozgur Findik, ‘Av û Av Perî’, Derhêner Hayrî Erdogan, ‘Mamak’da’, Derhêner Sezgîn Turk,’Pîppa’ya Mektubum’, Derhêner Bîngol Elmas, ‘Yola Duştuk’, Derhêner Sîne-Yol Kolektîfî, ‘Bajar’, Derhêner Alî Kemal Çinar, ‘Ofsayt’, Derhêner Reyan Tuvî, ‘Qalê Marê’, Derhêner Hamîd Ghavami, ‘Sînor û Mirin’, Derhêner Ubeydullah Hakan , Abdurrahman Gok, ‘Eyvah Babam Emeklî Oldu’, Derhêner Bîlgî Dîren Guneş, ‘Babam Tarîh Yapiyor’, Derhêner Haydar Demîrtaş, ‘Trakya’nin Kara Gunlerî’, Derhêner Nazim Alpman, ‘Lîfe în Lîmbo (Araf)’, Derhêner Sakae Ishîkawa, ‘Otopsî’ Derhêner Ahmet Soner, ‘Cambaz’, Derhêner Cegerxwîn Sinema Atolyesî, ‘Bîr Adim Otesî…’, Derhêner Tulîn Dag, ‘Lîmanlarin Ugultusu’, Derhêner Aynur Ozbakir, ‘Toz’, Derhêner Petra Holzer, Selçuk Erzurumlu, Ethem Ozguven, ‘Mukellef’, Derhêner Elîf Ergezen

Çar cîrokên nuh jibo zarokan

KDoz — Sat, 16 Apr 2011 15:48:35 GMT

Ji bo ku zarokên kurd fêrî zimanê xwe bibin xebat her ku diçin zede dibin. Mamosteyê Kurd-Der Mehmet Sadik Varli çar çîrokên bi navên Beytok û Gewro, Nêçîra Şêr, Mîr û Rovî, Hemû bi Hev re û Bi Zimanê Çiya ji bo zarokan çap kir.

Çîrokên ku bi şêwaza fabl hatiye nivîsandin ji aliyê Enstîtuya Kurdî ya Stenbolê ve hate çapkirin. Di çîroka Beytok û Gewro de tekiliyên sewalên bi hevre, di çîrokên Nêçîra Şêr, Mîr Rovî, Hemû bi Hevre û Bi Zimanê Çiya jî tekiliyên hem sewalan hem jî mirovan hatiyê vegotin.

Di çîroka Bi Zimanê Çiya de tiştê derdikeve pêş berxwedan û rizgariye.
Di çîroka Hemû bi Hev re jî de tekiliyên sewal û nêçîrvanan hatiye vegotin û hûnandin. Di çîroka Neçîra Şêr û Mîr û Rovî de têkiliyên mîrê daristana şer û sewalên din hatiye şîrove kirin.

Agir gihişt peykerê bavê Bişar!

KDoz — Fri, 15 Apr 2011 19:14:13 GMT

Hejmara 17 ya nîsanê ya Le Monde diplomatique kurdî derket!

KDoz — Fri, 15 Apr 2011 15:46:09 GMT

Hejmara Le Monde diplomatique kurdî ya nîsanê bi naverokeke dewlemend derket û li firoşgehên çapameniyê cîhê xwe girt. Hejmara 17an ya Le Monde diplomatique kurdî bi mijarên li ser siyaset û çanda Kurdistan û cîhanê ve dagirtî derket pêşberî xwendevanên xwe.

Di vê hejmara rojnameyê de ji aliyê redeksiyona kurdî du nivîsar hene. Ya yekemîn nîvîsara Prof. Dr. Ilhan Kizilhan ya bi sernavê Nasname û Netewe ye. Dr. Kizilhan di nivîsara xwe de pêvajoya avakirina 'neteweya kurd', têkiliya globalîzm, nasname û neteweyê û di pêvajoya netewebûyinê de rista rewşenbîran dinirxîne û bal dikşîne ser xetereyên li pêşiya Kurdan di avakirina netewbûn û perwerdekirina neteweyî de.

Nivîsa duyem ya redeksiyona kurdî jî bi sernavê ´´Nasname û Herêm´´ ji aliyê nivîskar Munzur Çem ve hatiye nivîsandin. Munzur Çem di warê nasnameya etnîkî û berxwedanê de kurdên kirmanc (kird, dimilî, zaza) dinirxîne. Nivîskar di derheqê nasnameya dimîliyan de lêkolîneke çavkaniyên dîrokî dike û di tekoşina neteweyî ya kurdan de li ser rola kurdên kirmanc radiweste. Disa nivîskar îdiaya zazakî ne kurdî ye û zaza jî ne kurd in vedikolîne û pirsa ev îdia çawa ketiye rojevê dibersivîne, di heman demê de balê dikşîne ser lîstikên dewletê yên li ser kirmanc û kurdên elewî.

´´Arşîva Bîra Kurdan´´ ya Le monde diplomatique kurdî, bi beşê duyem yê nivîsa Chris Kutchera ´´Berûdistana kurd, Lawaziya berxwedanekî perçebûyî´´ didome. Chris Kutchera di vê beşê de rewşa serek û rêxistinên kurd yên wê demê tîne ziman û rewşa belawela û parçebûna wan bi kûrahî destnîşan dike û şanî dide ku kurd ne tenê ji aliyê dijmin û ji aliyê şerê navxweyî lê herwiha ji aliyê dostên xwe jî tên parçe û belavkirin.

Di rûpela ´´Çand û Hûner`´ ya vê mehê de jî danasîna pirtûkek û kovarek heye. Salihê Kevirbirî pirtûka Rojen Barnas ´Hingê´, Kejo Bajar jî bi sernivîsa tîpên qedexekirî ´Kovara W´yê ji bo xwendevanên Le Monde diplomatîque kurdî dinirxînin. Vê mehê rûpelên rojnameyê bi wêneyên wênasazê kurd Ismet Polatli hatiye xemilandin. Kurtenivesek jî li ser jiyana wênesaz Polatli hatiye nivîsin. Rojname di rûpela xwe ya dawî de bi nivîseke li ser kovarên kurdi radiweste û cîh dide kovarên kurdî.

Alain Vicky di nivîsa xwe ya ´´Desthilata nerm û qada nû ya kar ´´ de behsa têkiliyên aborî yên di navbera Tirkiyeyê û dewletên Afrikayê de dike û bi îstîtastikan destnîşan dike ku bandora Tirkîyeyê her diçe li parzemîna reş zêde dibe. Li gor hejmarên ku Alain Vicky berbiçav dike hecma bazirganaya Tirkiyeyê ya bi dewletên Afrikayê re di 2009an de gihîştiye 20 milyar dolaran, ku ev hejmar li gorî 2003yan sê qat zêde bûye.

Bayê raperîna ku bi çirûska li Tunusê dest pê kir, li cîhana ereban bê westan weşîna xwe didomîne û niha jî Sûriyeyê girtiye bin bandora xwe. Le Monde diplomatique, di vê hejmarê de bi sernavê ´´Herêmeke Ku Dikele´´ cîh daye gelek nivîsar û analîzên bijarte yên wek:

-   Georges Corm: Yekitîya ji nû ve hatî peydakirin a gelên ereb.
-   Jean-Pierre Sereni: Petrola libyayê dest diguherîne.
-   Rachid Khecena : Şoreşa li dijî bedewînokratiyê û lîderê wê
-   Ignace Dalle : Û li Fasê melîk peyivî…
-   Samîr Aita : Aboriya sîyasî di dilê ´´bihara ereban´´ de serîhildana ji bo bêhtir dewlet û kêmtir desthilatê
-   Serge Halimi : Davîkên şerekî.

Û di vê hejmarê de nivîsarên wek:

-   -Christofhe-Alexandre Paillard:Vejen(enerjî) faktora herî girîng a pêşketina dinyayê.
-   -Evelyne Pieller: Huner Çi ye?
-   -François Denord, Paul Lagneau-Ymonet û Sylvain Thine: Le siecle(Sedsal), dîmenê nepixandî yê elîta desthilatdariyê.
-   -Fredric Lordon: Berfirehkirina qada regresyonê.
-   -Fredrick Ojardias: ´´Karkerên berdest´´ ên Koreya Başûr
-   -Gerard Dumenil û Dominique Levy: Dijberiya li Waşîngtonê.
-   -Herry Harootuinan: Xaniyên japon diderizin, cîh digirin.

Li rojavayê Kurdistanê xwepesandan

KDoz — Fri, 15 Apr 2011 11:48:20 GMT

Îro pistî nimêja îniyê li gelek bajarên rojavayê Kurdistanê xwepêsandan pêk hatin. Hate ragihandin ku rasterast pistî nimêjê li Qamislo, Amûdê, Dirbêsiyê, Dêrikê û Serêkaniyê ciwan daketine kolanan. Xwepesandêran siloganên jibo azadiyê bangkirin.

Xwarina sêvan asteya kolestrolê kêm dike!

KDoz — Thu, 14 Apr 2011 20:22:11 GMT

Zanyarên Amerîkî gihiştin encamekê ku sêv kolestrolê kêm dike. Di lêkolîna wan de xuyabûye ku, madeyek di sêvê de heya nahêle ku kolestrol bikeve ser hev. Yek ji endamên tîma lêkolînê got, ku jinên di vê lêkolînê de sêv xwarine, asteya kolestrolê bi qasî sêçarekê (0,25) daketiye.

Lêkolîn li ser 160 jinên di navbera 45-65 salî de jibo salekê hat kirin. Her jinekê ji wan rojane 75 gram mêweyên zuhakiri xwarin. Di dawiya salê de kolestrola LDL, a ku bi navê kolestrola nebaş tê bi nav kirin, asteya wê gelek kêm bûbû.

Di vê lêkolînê de jî, zaniyar li wê yekê ras hatin, ku sêvên zuhakirî jinan zeîf jî dike!

Nazdar: Nûçeya zewaca min derewe

KDoz — Thu, 14 Apr 2011 18:25:06 GMT

Piştî ku di çend dezgehên çapemeniya herêma Kurdistanê de, nûçeya ku dibêje, Hunermend nazdar bi Hunermend Şerîf Keyran re zewiciye. Nazdarê jî di vê derbarê de daxuyanî da.

Malpera Warvîn.org li ser zimanê hunermend Nazdar ragihand, ku Nazdar ev nûçe derew derxistiye. Xanima hunermend dibêje: heger ez wek her mirovekî dema ku ez li gel kesekî zewacê bikim, ez venaşêrim û ezê ji çapemeniyê re bêjim.

Nazdarê got ez niha di warê hunerê de xebatên xwe dikim, ez mijûlê albûmekê me.

Nazdar di derbarê karên xwe de jî dibêje; ji bo kompanya Zîn reklamekî çêkiriye. Ev reklam wê demeke kin de li ser televizyonan derkeve.