 bi berhema
xwe ya nû ya bi navê "Hîn ez wekî xwe me Heval" Ferhad Merde derdikeve pêşberî
hezyarên xwe.
Ferhad Merde, der barê xebatên xwe de ji "Azadiya Welat" re di hevpeyvînekê de diyar kir ku di
temenê xwe yê biçûk de dest bi nivîsandina helbestan kiriye. Merde, anî
ziman ku di pola 9’an de helbesta xwe ya yekemîn nivîsandiye û wiha
got: "Dema ku ez diçûm dawetan û stranên ku hozanan digotin, ji mûzîkkê
zêdetir min guhê xwe dida stranên wan bê ka ew çawa dibêjin. Di wê demê de
piranî gotina stranên evîndarî bûn, min jî dest bi nivîsandina helbestan
kir. Cara yekemîn dengbêjek helbesta ku min nivîsandibû got û ez gelek
keyfxweş bûm. Bi rengê klasîk min digot. Piştre hêdî hêdî di nava
tevgera azadiya gelê kurd de min hinek şahadet dît, xweşî û nexweşî
gelek milên wî hatin jiyîn û bê guman guhertin di helbestên min de jî
çêbûn."
ÎLHAMA MIN SEROKE Merde, bandora
helbestvanê kurd a li ser xwe jî anî ziman û destnîşan kir ku
helbestvanê kurd Cegerxwîn û Seydayê Tîrêj bandoreke mezin li ser wî
çêkiriye. Merde bal kişand ser bandora Rêberê PKK'ê Abdullah Ocalan jî û
wiha got: "Her çiqas bandorek ji helbestvanên kurd ên navdar çêbûbe
jî min gelek gotin ji dayika xwe girtiye. Weke çarçoveya me ya jiyanê
jî, bajarê Qamişloyê ye. Li wê derê huner gelek li pêş e. Bi taybetî di
nava şoreşê, hinek milan de tiştên ku me wate dayê hene. Lê îlhama herî
mezin min ji Rêbertiyê girtiye. Parêznameyê Rêber Apo li ser min gelek
bandorê kir û piranî jî me îlham ji gotinên Rêbertî girtin. Dîsa di
nava hevalan de û weke din jî hinek caran dema mirov dikeve nava gel jî
di hinek milan de mirov ji wan îlhamê digre."
Merde, da zanîn ku ji
sedan zêdetir helbestên wî hene û berhemên ku klîpên wan çêkirine wiha
rêz kir: "Di desetpêkê de li Sûriyeyê me klîpa strana bi navê
‘gulfiroş’ çêkir. Li derveyî wê ji deh klîpên min hene. Hinek ji van bi
CD’yan hatine belavkirin. Ev helbest bi navê Gulfiroş, Kuriko, Ruha,
Axîn, Ji min bipirsin, Wey dinyayê, Gazin, Evîn. Ev helbest klîp ji wan
re hatine kişandin. Di şahiyan de hatine belavkirin. Lê ji TV’iyê re
nehatine şandin.
Bi giştî min 450 helbest nivîsandine."
Merde, bal
kişand ser rol û mîsyona helbestvanan a di guhertina civakan de û ev
nirxwandin kirin: "Hunermend, di guhertin û veguhertina civakan de xwedî
bandorek gelek mezin e, her tim rastiya civakan û şaşîtiyên wê tîne
ziman. Tê xwestin ku tu rastiya civaka kurdan hemû caran bidî ber wê, ji
ber ku têkoşîna azadî û demokrasiyê bi salan e rû bi rûyê êrîşên gelek
kirêt û hovane tê. Ji bo wê jî tiştê ku dijmin bi serê me kiriye û dike
tîne ber çavê mirovan. Di serî de helbestvanên ku derketine, weke
Melayê Cizîrî, Ehmedê Xanî, Seydayê Cegerxwîn û Seydayê Tîrêj ev rastî û
êşa gelê Kurd, hemû bi hunera xwe anîne ser ziman û di civaka xwe de
bûne xwedî bandoreke gelek mezin. Helbestvan ew e ku tiştê ku dijî
bikaribe bi hunera xwe vebêje. Helbestvan, hinek caran tişta ku pê
rabûye û pê re dijî ye jî. Ya esas jî hezkirina jiyanê ye. Ger mirov ji
erdnîgariya xwe hez bike, gelê xwe nas bike, mirov dikare helbest
binivîsîne.
Ji bo helbestvanekê xîtabet gelek girîng e. Deng û
dîtbarî hinek ketiye pêş. Dibe ku beşên xwendekar bixwînin, lê beşeke
civakê jî heye girîngiyê nade xwendinê, ji bo wê jî dîtbarî roleke
girîng dilîze." EVÎNDARÊ AZADIYÊ ME
Helbestvan Merde, di der
barê nivîsandina helasta nû de jî bilêv kir ku demek berê nameyekê ji
wargehên azad girt û wiha dom kir: "Min ji bi hestên dagirtî bi
sergotara ‘Hîn ez wekî xwe me Heval’ bersiv daye vê nameyê. Tiştê ku li
min hatiye zêdekirin evîndariya azadiyê ye. Ji xwe ez evîndarê azadiyê
me. Gelek caran tê gotin ku tu hatiye guhertin. Di nameya xwe de wek
bersivek jê re tê dayîn. Bes ev hemû di nameyekê de tê ziman.”
Merdê,
derbirî ku dê klîpa wî ya nû dê di nava hefteyekê de bigihêje destê
hezkiriyên xwe û wiha lê zêde kir: ‘‘Kişandina kamerayê xelas bû, tenê
montaja wê maye. Em li benda derfetên montajê ne, ger derfet hebin di
hefteyekê de wê xelas bibe.’’Merde, daxuyand ku ew tenê helbestan
nanivîsîne û xebata bi zarokan re jî wiha rave kir: ‘‘Ev xebata zarokan
hem bi rengê şano , hem jî bi rengê Kurte filman jî xebat hene.
Ferhad Merde | Evîn
Ferhad Merde | Gazin
|
