 Terorkirin û lisêdaredan… Du madalye û pênasînên herî diyar
ên ronakbîr û ciwanên îro yên vê Kurdistanê ne.
Ew pênasîna ku dîktatoran ji bo cara duyemîn bi sing û berê
qurbaniyên xwe ve dadileqînin… Ew ji bo qaşo me bêdeng bikin û
bitirsînin û vegerînin…
Em jî ji bo vê pênasiyê bi rûyê wê yê ciwan bi sînga xwe ve
daleqînin, bi pênûsa ronahiyê tarîtiya wan vemirînin û binivîsin: Li cem
me, bi mirineke bi vî awayî jiyan dest pê dike û bi vê sêdaredanê
serbilind dibin û şewq didin…
Terorîstan Soranê Mame Heme û Serdeşt
Osman li vir… Bivirê komara Îslamî li aliyê wî alî… Herdu alî di durêka
tarî û mirinê de dibin yek.
Di rastiyê de em jiyan in û ciwanên me
ayende ne û naqedin…
De ka ji min re bibêjin: Ji vê Rojhilatê heta
Rojava, ji serê vî welatî heta binê vî welatî, ji kevn û heta niha,
sêderekaran karî çi ji me bikujin!
Karîn çi ji hewara me ya şeroş û
azadiyê kêm bikin…
Ma sêdaredaran karîn Çiyayê Şaho bitirsînin?
Ma
karîn golên Wan û Urmiyeyê bêdeng bikin?
Ma karîn çokê Pîremegrûnê
bitewînin?
Ew tiştên ku heta niha sêdaredaran karîne kirine…
Timî
berevaciya wê pêkhatiye: Karwanê me dirêjtir bûye…
Dengê me zelaltir û
girseyiya me gelektir bûye!
Sêdaredar tirsiyane… Ji kurd tirsiyane…
Sêdaredar
reviyan û em her man.
Komara Sêdaredanan a Îslamî ya Îranê
pîr pîr bûye
Lê baweriya
me her germ e…
Komara Sêdaredanan a îslamî ya Îran xwuz xwûz bûye û
Lê em jî
niha li ciyekî bilin di nava hewldana
bi destgirtina rojê û daxistina
wê ya ser erdê ne…
Ji serê sibehê de… Kolana herî mezin a Sine
bû bi Ferzadê
Kemanger…
Ji serê vê sibehê de … Mestirîn bexçeyê Mehabadê bû bi
Şîrîna Elemhulî…
Di zeraqa serê vê sibehê de… Hemû ew zarokên ji dayikbûne
Navê
Ferhadê Wekîlî li wan hatiye kirin!
Ji îro û pêde…
Di yekemîn
ronahiya serê sibehê de Mehdî Îslamiyan bû Gola Wanê di berbanga îro de:
Elî Heyderiyan
bû bi Taq Bostana Kirmaşan:
De fermo Sine
lisêdarê bidin?!
Serê Mehabadê bibirin…
De fermo nehêlin zarokên
me ji dayik bibin!?
De fermo
Nehêlin baran bibare û mehêlin giya
şîn bibe û
Nehêlin zevî bijîn!
Ez ji îro û pêde, evîndarê çavê Şîrîn Elemhulî me
Ji îro û pêde çi
helbestên min hene, ez ê wan bikim bi
Gula sitranan ji bo bejna
Şîrîn Elemhulî…
Ji niha û pêde ez tayek ji porê wê me…
Ji niha û
pêde
Ez neynûka tiliya wê me…
Ji niha û pêde ez dibim ew cote
pêlavên
Ku cara dawî xistibû piyên xwe û pê çû sêdarê û
Ji niha û
pêde, ez ew bazinê bi cî mayî yê destê
Şîrîna Elemhulî me…
Komara
Îslamî ya sêdaran
Çi li sêdareyan neda, ji xewnê heta helbestê û
Ji
helbestê hata jinê û ji jinê heta nan,
av û gul û kaniyan
Ya ku
Komara
Îslamî ya sêdaran
nikare bi ti awayî li sêdarê bide
Ayinde
(pêşeroj) û azadî ye…
ŞÊRKO BÊKES
Werger: SERKAN BIRÛSK ji welat.org
| 